Sitting on 29th November 2016

.1

ملک تیمور مسعود:

اس ایوان کی رائے ہے کہ سرکاری اداروں میں کوآرڈینیشن کے فقدان کے باعث غیرقانونی مذبح خانوں کے خلاف کارروائی غیرموثر ہو کر رہ گئی اور مضر صحت گوشت کی فروخت میں اضافہ ہوتا جا رہا ہے۔ لہذا یہ ایوان حکومت سے مطالبہ کرتا ہے کہ غیرقانونی مذبح خانوں اور مضر صحت گوشت فروخت کرنے والوں کے خلاف سخت کارروائی کی جائے۔

.2

جناب احمد خان بھچر:

اس ایوان کی رائے ہے کہ صوبہ بھر میں ایل پی جی سلنڈر کے حادثات کی روک تھام کے لئے گلی محلوں میں ایل پی جی کی غیرقانونی فروخت پر پابندی لگائی جائے۔

.1

ڈاکٹر سید وسیم اختر :

اس ایوان کی رائے ہے کہ وفاق کی طرح پنجاب کے سکولز اور کالجز میں بھی ناظرہ اور باترجمہ قرآن کی تعلیم کو رائج کرنے کے لئے فی الفور اقدامات کئے جائیں۔

.2

محترمہ گلناز شہزادی :

اس ایوان کی رائے ہے کہ صوبہ کے پرائیویٹ سکولز میں استعمال ہونے والی Note Books پر موجود Logo یا ادارے کے نام کے رواج کو ختم کیا جائے تاکہ والدین اپنے بچوں کے لئے کسی بھی بُک شاپ سے بآسانی اور مناسب قیمت پر Note Books  خرید سکیں۔ اپنے معیار کو برقرار رکھنے کے لئے سکولز لسٹ میں صفحات کی تعداد کو ظاہر کریں اور نوٹ بُکس کے ٹائیٹل پر مضامین کے مطابق اشکال یا تصاویر یا معلومات پرنٹ کروائیں جس سے بچے کی معلومات میں اضافہ ہوسکے۔

.3

جناب محمد سبطین خان :

یہ ایوان وفاقی حکومت سے مطالبہ کرتا ہے کہ غیرمعیاری بیج اور جعلی ادویات فروخت کرنے والوں کے خلاف سخت کارروائی  کی جائے۔

.4

چودھری عامر سلطان چیمہ :

اس ایوان کی رائے ہے کہ غریب کاشتکاروں کو سمارٹ فون دینے کی بجائے سبسڈی پر سولر سسٹم دیا جائے تاکہ کاشتکار ایندھن کی بچت سے استفادہ کر سکیں۔

.5

ملک تیمور مسعود:

اس ایوان کی رائے ہے کہ نکاح سے قبل بلڈ سکرینگ کا ٹیسٹ لازمی قرار دیا جائے تاکہ تھیلسیما اور دیگر امراض پر قابو پایا جا سکے۔

لاہور

رائے ممتاز حسین بابر

مورخہ: 24 نومبر 2016

سیکرٹری