پیش لفظ

 

پیش لفظ

 


پنجاب میں اسمبلیوں کے قواعد انضباطِ کار کی تاریخ 1948سے شروع  ہوتی ہے جب اس وقت کی  مغربی پنجاب قانون سازاسمبلی  کی کارروائی ’قواعد انضباطِ کارمغربی پنجاب  قانون ساز اسمبلی (1948)‘کے تحت انجام دی جاتی تھی۔ ’قواعدانضباطِ کارصوبائی اسمبلی پنجاب 1973‘آئین 1973کے تحت بنائے جانے والے پہلےقواعد تھے۔ان قواعد کو گورنر نےآئین کے آرٹیکل 67، جسےآرٹیکل 127کے ساتھ پڑھاجائے،کے تحت پنجاب اسمبلی کی کارروائی  کو منضبط کرنے کےلیےوضع کیا۔

 

 

 

1997میں ان قواعد کی بجائے قواعد انضباطِ کارصوبائی اسمبلی پنجاب1997نافذ کیے گئے جنہیں اس باربھی آئین کی انہی تصریحات کے تحت گورنر پنجاب نےہی وضع کیا تھا۔بعدمیں  پنجاب اسمبلی نے 25جون 1997کوہونے والے اپنے اجلاس میں ان قواعد کو اڈاپٹ کرلیاجن میں ان قواعد میں ترمیم کے طریقہ کارسے متعلق باب 19 کا اضافہ کیا گیا تھا۔

 

 

 

ان قواعد میں وقتاً فوقتاً ترامیم کی  جاتی رہی ہیں،اور جب بھی  ان میں کی جانے والی ترامیم کی تعداد کافی زیادہ ہوجاتی ہے تو معززاراکین اسمبلی اور سرکاری  عہدیداروں  کے استفادےکے لیے ہرباران کے نئے ایڈیشن  شائع کیے جاتے ہیں؛ ایسانظرثانی شدہ ایڈیشن آخری بار2016میں شائع کیا گیا تھا۔چونکہ 2016کے ایڈیشن کےبعد ان قواعد میں کوئی ترمیم نہیں کی گئی ہےاس لیے نئےایڈیشن کو بجا طورپراس ایڈیشن کی طبع ثانی کہا جا سکتا ہے، اور امید کی جاتی ہے کہ   یہ  ایڈیشن ہمیشہ کی طرح  اراکین اسمبلی کو ان کے آئینی کردارکی بہترین طریقے سے انجام دہی میں معاون ہوگا۔

 

 

 

لاہور:                                                                                 رائے ممتازحسین بابر

 

یکم جولائی 2018                                                                                             سینئرسیکرٹری

 

ایوان

سیکریٹیریٹ

اراکین

کمیٹیاں

ایوان کی کارروائی

مرکز اطلاعات

رپورٹیں اورمطبوعات