Sitting on 26th February 2013

.1

محترمہ ثمینہ خاور حیات:

اس ایوان کی رائے ہے کہ دلا بھٹی شہید کے مزار اور راستوں کو فی الفور ناجائز تجاوزات و قبضہ سے پاک کیا جائے اور شہید کے شایان شان مزار کی تعمیر کا فوری طور پر اہتمام کیا جائے۔

.2

محترمہ حمیرا اویس شاہد:

اس ایوان کی رائے ہے کہ چونکہ ربا کو اللہ اور اس کے رسولﷺ کے خلاف کھلی جنگ قرار دیا گیا ہے اور شریعت کونسل نے بھی ربا کے خلاف تاریخی فیصلہ 1999ء میں دے دیا ہے، لہذا اس فیصلے پر عملدرآمد کرنے کی غرض سے یہ ایوان وفاقی حکومت سے اس امر کی سفارش کرتا ہے کہ پاکستان میں ربا سے پاک معاشی نظام کے نفاذ کے لئے فی الفور ضروری اقدامات (گولڈ، دینار، Silver،درھم، Guilds, Free markets اور بیع سلم کا زرعی نظام)کئے جائیں تاکہ قرضوں کے بوجھ تلے دبی معیشت اور ربا سے چھٹکارا حاصل کیا جا سکے۔

.3

محترمہ نگہت ناصر شیخ:

یہ ایوان صوبائی حکومت سے اس امر کی سفارش کرتا ہے کہ لاہور میں طالبات کی قدیم تدریسی درس گاہ "کوئین میری کالج" کو فی الفور یونیورسٹی کا درجہ دیا جائے۔

.4

محترمہ آمنہ اُلفت:

اس ایوان کی رائے ہے کہ گھر سے زبردستی نکالے جانے والے بیوی بچوں/بیوہ اور بچوں کے تحفظ اور مستقبل کو یقینی بنانے کے لئے اس فعل کو قابل دست اندازی پولیس جرم قرار دینے کے لئے متعلقہ قوانین میں ضروری ترامیم کی جائیں۔

.5

محترمہ شمیلہ اسلم:

اس ایوان کی رائے ہے کہ تمام تعلیمی اداروں میں دستیاب مالی وسائل کے تابع مرحلہ وار ڈسپنسری کی سہولت کو لازمی قرار دیا جائے تاکہ طلباء و طالبات کو صحت کی بنیادی سہولتیں فراہم کی جا سکیں۔

لاہور

مقصود احمد ملک

مورخہ 23 فروری 2013

سیکرٹری