نشست:06 مارچ 2012ء

.1

چودھری ظہیرالدین خان:

اس ایوان کی رائے ہے کہ تمام راجباہوں اور مائنرز پر مویشیوں کے پانی پینے کے لئے پختہ گھاٹ بنانے کے لئے فوری اقدامات کئے جائیں۔

.2

سردار خالد سلیم بھٹی:

اس ایوان کی رائے ہے کہ پنجاب پولیس کے کلیریکل سٹاف کو بھی ایگزیکٹو سٹاف کی طرح یونیفارم دی جائے۔ کیونکہ ماضی میں Mitha Police Commission رپورٹ میں اس سٹاف کو یونیفارم دینے کی سفارش کی گئی تھی۔

.3

جناب ضیاء اللہ شاہ:

یہ ایوان صنعتوں  کو گیس کی سپلائی بند کرنے پر سخت تشویش کا اظہار کرتا ہے، اس ایوان کی رائے ہے کہ صنعتوں کو گیس کی سپلائی بند کرنے سے نہ صرف صنعتیں تباہی کا شکار ہوں گی بلکہ یہاں کام کرنے کا افراد کا روزگار بھی سخت متاثر ہوگا۔ لہذا یہ ایوان وفاقی حکومت سے سفارش کرتا ہے کہ اگر گیس کی فراہمی میں کمی واقع ہو رہی ہے تو صنعتوں کو گیس کی سپلائی بند کرنے کی بجائے اس کا متبادل حل  تلاش کیا جائے۔

.4

محترمہ ثمینہ خاور حیات:

اس ایوان کی رائے ہے کہ معذور افراد کی فلاح و بہبود کے لئے تحصیل لیول پر سپیشل ایجوکیشن سنٹر قائم کرنے کے اقدامات اٹھائے جائیں۔

.5

چودھری محمد اسد اللہ:

یہ ایوان وفاقی حکومت سے اس امر کی سفارش کرتا ہے کہ صوبہ  پنجاب میں کھاد تیار کرنے کے لئے ملکی و غیرملکی سرمایہ داروں کو ضروری سہولیات کے ساتھ کھاد انڈسٹری لگانے پر راغب کیا جائے۔

لاہور

مقصود احمد ملک

مورخہ:2 مارچ 2012

سیکرٹری